-
Services For The Elderly
- Home
- Community Services / Services For The Elderly
Tá an clár do Dhaoine Scothaosta ar siúl in Ionad na Dromoda ó 2000 i leith. Bíonn clár éagsúil ar siúl gach Déardaoin agus bíonn Béilí ar Rothaí ar fáil ceithre lá na seachtaine ó Luan go Déardaoin san áireamh. Deirtear an tAifreann uair sa mhí.
GNÍOMHAÍOCHTAÍ
Aifreann
Clár Cleachtadh
Cluichí cártaí
Biongó
Aoichainteoirí
Yoga
Ealaíontóirí
Gníomhaíochtaí Allamuigh
SEIRBHÍSÍ
Clár ina dhiaidh sin béile uair sa tseachtain
Béilí ar Rothaí ceithre huaire sa tseachtain
Seirbhís Altra Dúiche gach Máirt
Cosliacht
Gruagaireacht
Níocháin ar ráta laghdaithe
ÁISEANNA IN IONAD LAE NA DROMODA AR FÁIL LE HÚSÁID AG AN PHOBAL
Cistin cruach dhosmálta den scoth
Cúram Lae / Seomra Cruinnithe / Comhdhála – is féidir le 70 suíochán a sheasamh
Seirbhís Níocháin
IONAD CÚRAM LÁ
Ó Ionad na Dromoda táimid ag cur Seirbhís For-rochtana ar fáil anois. Tá an tseirbhís seo chun cúram agus caitheamh aimsire a chur ar fáil i rith an lae do sheanóirí agus do dhaoine faoi mhíchumas fisiceach nó foghlama a thugann tréimhse faoisimh do na cúramóirí ina mbeidh siad in ann cúpla uair an chloig a bheith acu le déanamh leo féin mar is mian leo.
Is iad aidhmeanna an Ionaid Chúram Lae ná seirbhís a chur ar fáil dóibh siúd atá faoinár gcúram, trína bhfaighidh siad spreagadh sóisialta, ina gcoimeádfaidh siad agus ina ndéanfaidh siad iarracht feabhas a chur ar a leibhéil neamhspleáchais agus na scileanna atá acu cheana féin. I rith an lae cuirfimid gníomhaíochtaí éagsúla ar fáil chun iad a spreagadh, mar ealaíon & ceardaíocht, cluichí, bácáil, aclaíocht i measc rudaí eile, agus gníomhaíochtaí lasmuigh nuair is féidir.
Má tá suim agat aon cheann de na seirbhísí seo a úsáid nó má tá aon cheist agat déan teagmháil lenár mBainisteoir Ionaid June Collins ar 066-9478669
Is í June Collins Bainisteoir Páirtaimseartha Ionad Lae na Dromoda. Faigheann sí cúnamh ó rannpháirtithe na Scéime Sóisialta Tuaithe agus ó rannpháirtí ar an gClár Séirbhísí Pobail.
Má tá suim ag aon duine dár sinsir bheith páirteach sa chlár níl le déanamh acu ach teagmháil a dhéanamh le June Collins ar 066 9478669.
Cuireann Feidhmeannacht na Seirbhíse Sláinte maoiniú ar fáil chun freastal ar chostais na mbéilí agus cabhraíonn Seirbhís Oideachais Chiarraí leis an gclár aclaíochta a mhaoiniú. Ba iad an Roinn Comhshaoil, Údarás na Gaeltachta agus Feidhmeannacht na Seirbhíse Sláinte a mhaoinigh an foirgneamh.
BRUACH NA HAOINE-SOCIAL HOUSING PROJECT
Tá ár dtionscadal tithíochta seanbhunaithe. Críochnaíodh é i mí an Mheithimh 2006 agus tá gach ceann de na sé theach áitithe. Tá ag éirí go han-mhaith leis na tionóntaí ar fad. Tá cúig theach 2 sheomra leapa ann agus teach 3 sheomra leapa amháin, is é sin an teach feighlíochta. Tá cuid dár gcónaitheoirí lonnaithe anseo tríd an gclár Baile Sábháilte. Is clár é seo do dhaoine ar mian leo filleadh ar a n-áit dúchais ach nach bhfuil na hacmhainní acu é sin a dhéanamh.
Is mian le Cumann Tithíochta na Dromoda aitheantas a thabhairt don mhaoiniú a fuarthas ó na gníomhaireachtaí seo a leanas don tionscadal tithíochta agus cúram lae seo, an Roinn Comhshaoil, Comhairle Contae Chiarraí, Údarás na Gaeltachta agus an FSS.
Tá an pola-thollán curtha suas agus tá na tionóntaí gnóthach ag plandáil. Gníomhaíocht shláintiúil a bheidh sa gharraíodóireacht do dhaoine scothaosta agus do rannpháirtithe sa Chlár do Dhaoine Scothaosta.